Tutte le feste al tempio... si canta nel Rigoletto. Un’aria che per molti avventori si traduceva
in “Tótti èl dmànghi a-l’Osteria” (Tutte le domeniche all’Osteria).
Ed è lì che mi sono trovato con Piròun per discutere del terzo Comandamento che lui mi
conferma di ricordare in “Ricordati di santificare le feste”. Ma per spieghèregh che la frase citata
anche da Roberto Benigni che “sei giorni faticherai e farai ogni tuo lavoro; ma il settimo giorno è il
sabato in onore del Signore... eccetera l’àn ghè menga andèda zò perché, lò àl dis che il settimo
giorno l’è dmanga e menga sàbet... Àl s’è cunvìnt sól quànd a-gò détt che i cristiàn i lavóren sê
gióren e po’ i stàn férem a la dmànga, i ebrei i lavóren sê dè e i stàn férem àl sàbet, i musulmàn i-
in lavóren sê e-i stàn férem àl venerdè.
L’importànt l’è che tótt a lavuràma sê dè e che quàl di sèt (cuma l’à fat Dio quànd l’à cree
àl mànd) as’arpunsàma!
Vàddet, Momo... aiò capî... però àn n’è po’ menga achsè perché, in Italia, per esèimpi, tótt
quànt...ebrei e musulmàn cumprés, a fàm festa a la dmànga! Comunque, lasàm pérder, andàm
avanti. Quàl c’àm piesrév dabòun l’è che àgh fóss da lavurèr per tótt qui chi n’an vóia e che a la
dmànga às ferméss incòsa.
Il testo biblico dice infatti che “il settimo giorno è il sabato in onore del Signore, tuo Dio: tu
non dovrai fare alcun lavoro, né tu, né tuo figlio, né tua figlia, né il tuo schiavo, né la tua schiava,
né il tuo bestiame, né il forestiero che dimora presso di te.”
E dài! Insamma: mè a srò un zucòun mo anca tè, cun tót rispèt e amicézia, t’ên schérz
ménga...! Insamma, tànt per dir, mo... se propria nisùn dév fer gnìnt... chi farévv da magnèr? ... E
po’... i Ospedê... i servézzi pùbblich... e via-andare...Ecco... secànd mè, l’éra un quèl c’al psiva
andèr bèin una volta... treméla-an fa... mo àl dè d’incô... àm bàla un’oc... La cosa piò importànt a
dirév propria ch’la sia stèda quàla che i padròun, che-i-gàn sèimp’r-avû i sérev, che alóra, forse,
igh gìven schiavi, in-ni-àn piò fat lavurèr continuamèint, tót i dè ed-l’an, mo iàn duvû dèregh àl
giór’n-ed ripòs... In definitiva, Dio, per man ed Mosè, l’à cree ànch àl Sindachèt!
Va-mo-là...
Brèv, Piròun. Et-lê déta giósta. Però, cùma-l’à-détt Benigni, adès, forse, a sàm andê trop
avanti... a sàm atórna a-andèr tròp in prèsia... E a-m‘è gnû in mèint (mi sono ricordato) che tèimp
indrê (tempo fa) a s’è capitê propria a nuèter du (è capitato proprio a noi due) ed “bruntlèr”
(brontolare) ed la prèsia (Gazzetta di Modena e Blog “La prèsia” 20/07/2013) . E propria tè te’m
giv che perfìn i prêt i dìsen Màssa in prèsia... e che a córrer trop fort àn-s-vàdd gnint... àn-s-sèint
gnìnt... e quindi, às pérd dàl tèimp...E olóra a gà ragiòun Benigni a dir c’aiavàm lasê indrê anch
l’ànma... o adiritùra a-l’avàm pérsa per strèda... (E quindi ha ragione Benigni a dire che abbiamo
lasciato indietro o addirittura abbiamo perduto anche l’anima)
E alóra, concludendo: non dimentichiamo questo Comandamento: “Ricordati del giorno di
sabato per santificarlo” e... tgnàmes ànch immèint àl provérbi “chi va piàn va san e va luntàn”