Quànd aiéra un monèlo, in di paés ma po’ ànch in zitèe, la màssa degli-óndes l’è sèimper
stèda la piò importànt... del volt ànch “cantèda”. A cla massa lè, in pratica, ag’andèva sól èl
persòuni vistidi bèin o c’aglìaviven spianê (incignato) quech-cosa Cùn fiàcher o baruzèin adatê mo
sèimper tirê da un cavàl, ma piò che èter a pê o in biciclàtta, tót i sgnór o el mèzi patài (camicia
appena sotto la cintola, più economica di quella lunga) i andèven a cla màssa lè.
Michilòun l’ariveva anca lò in dàl nòster curtìl, in di Bóregh, perché la cà, in da ghe stèva
quàter famî in afétt l’éra sô (anche Michilòun giungeva nel cortile della casa di sua proprietà
affittata a quattro famiglie). L’Odiglia, cl’éra la piò furba dèl quàter rezdóri, l’aviva insgnê a
nuèter muclòun (ragazzini dal moccolo facile) cus-a-duviven fer.
Vérs-èl-dés, la vrìva la fnéstra ( e già l’udór dàl bròd l’éra ‘na festa) e po’: oohh...
ragazô... am’archmànd!... fe bèin amód... Ed era così che “quella sporca dozzina di monelli”
sospendevano i loro giochi, si pulivano le scarpe, is lavèven èl man e-al grógn (muso) sàt-a-la
pòumpa (pompa a mano per cavare acqua dal pozzo) e, a turno, quali “piccole vedette lombarde”, i
tgnìven d’oc la curva sóvra “la costa dèl Bassèini”.
L’è chè!... l’è chè!... l’è chè! ... E si affacciava anche, sorridente, la Signora Odiglia...
Il cavallo d’acciaio varcava un ipotetico cancello fra le colonne d’entrata e noi, monelli festanti e
quasi devoti pronunciavamo la fatidica frase: ...”Bongiórno ! Sgnór Padròun...”. Quasi un’armonia
corale. E Chico àl ciapèva stréch, immez a-al gamb, la róda davanti e Fredo quàla’d-drê e tót
chi-èter d’atórna a rédder sperànd ìn ‘na caramèla cl’àn-riveva mai... Sól quànd àl turneva da
la massa per tór la sô spicciola lusèinta che nuèter aiavìven bèin lustrê (avevamo ben lucidata)
l’andeva sò da la Sgnóra Odiglia per lasèregh un vintèin (venti centesimi) per nuèter e (a ghè chi
giva) un cavurèin (due lire) ànch... per lê...
Là! Quàst l’éra àl noster “sgnór padròun”. Ùn bòun umàz, a dégh mè.
Ma Piròun, che essendo stato mezzadro se ne intende, mi risponde con questo proverbio:
“di padròun e di mlòun sò zèint a-gh-n’è un bòun” (di padroni e di meloni su cento ce n’è uno
buono). Data la sua esperienza villica non posso ovviamente obiettare. Ma poi è lui che, come al
solito, entra nel tema.
Vàdet, Momo, a pèins et g’av ragiòun (penso che tu abbia ragione). A l’ò tgnusû anca mè
Michilòun e a pòs dir cl’era un galantàm... Però àl prév anch éser càl mlòun c’a giva mè...
In ogni modo, a ghè quàst da dir: ‘na volta i padròun iéren qui ech g’aviven di sold e ànch
ed la roba (una volta, i padroni erano coloro che avevano dei quattrini ed anche molti beni) e tót i-
àl savìven perché achsè iéren tgnusû e riverî. Ma po’, forse brisa tót, iéren anch bòun ed fer dàl
bèin c’àn vliva brisa dir sól limósna e per quàst iéren ciamê (detti) galantàmm, brèva gèint, ed côr.
E ti vdiv... e ti tgnusìv... in se scundìven menga.
Ades? I sold e la roba àn.nès-sa brisa ed chi la’s-sia. L’è tót in banca o al’Ester... Se a
Michilòun in’gh paghèven brisa l’afét perché iéren sèinza sold... àl spetèva... opure àl tulìva un ed
la famìa a lavurèr intant ed gnìr pèra... Adès? Ag-arìva un a cà, in cruvàta, cùn ùn fói in man e du
carabinér dedrê c’àl-gh dìs: ciàpa i tô stràz e và fóra dedchè! ...
E lò àl và-a-zerchèr ùn let... ed cartòun: Bona nòt, sgnór padròun!!