Quasta l’è una bruntlèda c’aiavrév vlû fer tant e tant an fà, quànd aiéra un monélo… un
ragazól… un putèin… un móngher… un cìnno, un ed chi éser, cioè, adàt (spàss) per scupazòun o
chèlz-in-dàl-cul (calci nel sedere così facili “a misura di uomo adulto”).
Fra queste definizioni, o nomignoli, se credete, ho scelto cìnno perché era una figura tipica
della mia infanzia; anche se, come abbiamo visto in altri casi,è forse un termine mutuato dal dialetto
bolognese. Tipico perché si trattava di un ragazzino tòlt (preso, assunto…) dàl padròun ed la
butéga per imparèr un mestêr, un lavór cl’avrév po’ psû fer “da grand” (da adulto) sia come aiùt o
sostituziòun dàl padròun, o anch, sl’éra brèv e àl g’aviva i sold…per vrìr una butéga per sô còunt
(accettato nel negozio, semprechè educato, pulito e di buona famiglia, per apprendere un mestiere.
Una figura poi istituzionalizzata e sindacalmente definita “apprendista”).
Ed paghèrel, naluralmèint, àn s’in descurìva gnanch (di stipendiarlo, naturalmente, non se
ne parlava nemmeno) anch se dop un pô ‘d tèimp, a-un-quechidùn (a qualcuno) igh déven “la
pagàtta” (un piccolo compenso). In’na quêch butéga a se psiva po’ anch ciapèr la mancia…
“ Cìnnooo… spazzola! “ a giva àl barbér quand àl clièint àl steva per andèr fóra; e àl monèlo, in
punta ed pê, cùn la spazzata, àl tireva via dàl spal i pél e i cavî armês sàt-àl sugamàn.
La maggioranza degli altri bambini restavano a casa per aiutare i genitori e in special modo
la mamma nelle faccende domestiche e a fare i còumpit (i compiti).
La mê bruntlèda, però, l’è quàsta: quànd a-gh’éra un quèl c’àn-nàl savìven brisa, àn ghéra
vérs d’imparèrel (non c’era verso d’impararlo). Sia perché la mama, la zia, la nona in-n’al saviven
gnànca lór (non lo sapevano neppure loro) e anch perchè nisùn, in cà, salvo un quèch sgnór, àl
g’aviva di lébber ch’in fósen qui-ed-la dutrèina o quàl, pin ed santèin, d’andèr a la màssa. E po’
perché “ed chi quê lè àn-sìn duviva brisa descarrer e l’àn n’éra brisa roba per i ragaz (nessuno in
casa possedeva libri che non fosero quelli per la dottrina o la messa. E poi perché, di quelle cose,
non se ne doveva parlare e non era roba per bambini)
E alóra per capìr quèl, per imparèr quèl, nuèter ragazô a fèven finta ed durmìr per
scultèr… opure às nascundiven… opure a slumèven i bus ed la sradùra per guarder. Cosa? Tót!
Tót quàl ch’in-s’given brisa o in s’ fèven brisa vàdder. E a impareven cus a vliva dir per chi grand
fer l’amór e achsè a capiven perché àl sofà l’era riservê a la zia e àl so ambrós.
Oggi non è più così. I genitori passeggiano per casa anche completamente ignudi e il papà o
la mamma cambiano “partrner’s”. Tutto libero compreso l’amore. E per amore s’intende sempre più
quello sessuale mentre quello platonico e spirituale sembra desueto o scomparso. Tutto bene? Forse.
Àl mutìv però piò important de ‘sta bruntleda chè, l’è una frès, per mè, anch alóra,
insopportàbil: “Tè tès! Tê ùn ragazól e t’èn capéss gnìnt!” Potevo avere quattro anni come sei ma
vi assicuro che nella maggior parte dei casi mè a capiva piò che lór: a-vàl-zùr!
In ‘sti gióren aiò sintî dir che l’Universitê ed Modna-Ràzz la sia adrê studièr propria càl
problema chè. E mè a dégh c’àl srév propria bèl un “DIPLOMA DI LAUREA PER I CÌNNO”. Mo
vacca!! E da cla via c’agh sî… àv cunsigliarév ed zuntéregh ànch un poch ed dialàt!
An’ò descórs cùn Piròun. Àl s’è pisê adòs da la cuntintàzza e àl m’à dét: S’i fan un lavór
achsè e igh màtten ‘na tàsa volontaria: mè a la pègh luntéra!