Eilàaa… Bongióren! O bonasìra, sl’è già basôra. Pomeriggio, per gli uomini “in lingua”.
Ùn stómbel (o stémbel) !… come si potrebbe tradurre, in lingua, lo scoppio di una bomba. Tirando un po’ la corda, potremmo anche dire che “questa esplosione è stata tanto flagrante quanto fragrante” perché il “boom” e il profumo dell’aceto balsamico di Modena si è sparso in tutto il mondo. Forse, àl dè d’incô, l’è anch piò aprezê ed la Ferari! E…ed sicùr, àl tin piò bota!
Poichè la rima è piuttosto lunga, non vado oltre ricordandovi il sitowww.grgonlus.org per la traduzione in italiano. Eccovi l’
ASÊ BALSĀM (BALSÀMICH)
S’a vléssa concentrèr / la storia d’ùn Zemiàn, /
àl prév rapresentèr / da-un spréch d’asê balsàm. //
L’è-un quèl c’al dà-a-la-testa, / prufómm c’al gà vigór; /
e-àl-góst che-in bàcca-àt resta / l’è quesi-un bes d’amór. //
I-àn scrét di lébbr-achsè, / i l’àn cantê i artésta, /
e mè, descarr’en chè, / agh fagh figura trésta. //
Fa gnìnt. Àv vói sól dir / c’as dróva dàl terbiàn /
madûr, c’àl fe buìr / fin a metê, piàn-piàn. //
Dàl prém àl sest vasèl / in schela, pin ed màst, /
i van in dàl tasèl, / da vrìr, spece d’agàst. //
Èl dóghi-èl sràn ‘d castàgn, / ed róv’r-opure ‘d mór; /
e zrêsa, s’a g’armàgn, / e znéver, per l’udór. //
Da-ùn barilèin a cl’èter, / man-man c’àl travasê, /
àl zuntarî vueter, / préma c’àl sia quacê /
cùn peza-e-po’ còl sàs / sóv’r-a-càl bus inzéma /
dàl màst, c’àl stà piò bàs / ed quàter dî. Mo préma, /
sintî anch àl savór: / c’àn sia dvintê trop fort. /
E po’, guardê-àl culór: / bèl mor, v’in siv acòrt? /
L’è bòun anch dop dés’an; / mo-a-un sècol, l’è ‘na bomba /
perché, l’asê balsâm, / àl mand’inlà la tomba. /
Po’, quànd-a-srà ‘l mumèint, / l’asê àl srà dvintê /
àl voster testamèint: / la vera ereditê.
TRADUZIONE 
Mè avl’iva dét cléra lónga… e anch difìcil da lézer. Questo prchè, credetemi, è anche difficile fare del buon aceto balsamico. E io lo so perché lo faccio: da più di cinquant’anni. Inoltre, sono convinto, da sempre, che questo nobile prodotto debba avere un altrettanto nobile scopo Per questo ho chiesto di pubblicarne l’etichetta. Grazie anche a nome dei nostri piccoli negretti.
E… àv garantés che Piròun l’è d’acòrd.