Sé! Basta sànghev! Tót i dè, ma propria tót i dè la stampa, la televisiòun, internet… tót i
sacramèint d’infurmaziòun in fan èter che parlèr e fer vàdder di delétt… dàl sànghev…(ogni
giorno su tutti i mezzi di informazione c’è sangue) e-i-ti dìsen in manéra… come s’a fóss ùn
spetàcol… quèsi un divertimèint… e-i-ti spiéghen, quànd adiritùra in ti fàn vàdder, cùn tót i
particolèr… E i te spiéghen ànch la ragiòun… forse àl perchè i-gh-àn sparê in-un’oc invece che in
bàcca, o-in’n’uràccia. E-achsè a imparàm a mazèr la muiéra, l’amante, la nòna e perfìn la
fióla…in ‘na zérta manéra piotòst che-in-un’etra in mod ed ciapèr meno an ed galéra… Àl-s’fa (lo
si fa) per i sold, per l’ereditê…opure per gelosìa, per pasiòun (chi àl ciàmen anch “amór”),
adiritùra per ùn parcàgg! (per un parcheggio). Insàma: tót i mutìv ièin bòun per mazèr un
quechidùn. (tutti motivi buoni per uccidere qualcuno)
Adès a sàmbra àl mumèint di ragazô e dèl dànn (i àl ciàmen femminicìdio…) Mo anch, per
èter mutìv (razìsem), di estracomunitàri. Infàti, s’a ghè ùn incidèint in màchina cùn soquànt mort a
sàm tót lè a dmandèr: érel imberiègh?… érel italiàn? … Mocchè!… L’era un tassésta, italiàn,
cl’iva tolt sàtta un can (un cane) e àl sô padròun àl gà dê una scurtlèda! (lo ha accoltellato!) L’è
un quèl insoportàbil. Àn ghè piò religiòun! …( È una cosa insopportabile. Non c’è più morale).
Là! Àm sun sfughê…( mi sono sfogato) e-a-lò fat (e l’ò fatto) davanti a Piròun c’àl-m’à dét:
Meno-male che una quèch volta et-t’imbrègh (ti arrabbi) anca tè!
Mè, i giornê, àn ni léz brisa e l’internet la zóga a-àl futt-bal e àn-m’interèsa un
caztamàza…(non m’importa nulla) mo cùn quàl ch’i fan vàdder a la televisiòun… a ghè del volt che
mè a la smòrz (non leggo i giornali e non seguo l’inter(net) ma guardo la TV che a volte, per questi
fatti, la spengo).
Ecco… ànch la politica, adès… cùn èl dànn… i zzérchen ed fer del lég per protézerli: piò
che èter… a parol. Però, secànd mè, l’è tóta la ràza umana cl’à da éser protèta. Agh vól dèl Lég
piò sevéri mo anch piò pratichi. Per esempi: te mazê un àm? Àt dàm “tànt” (Ai ucciso un uomo?
Questa è la pena!) Te mazê una dànna, anch s’l’è tó nòna (suocera), opure un vèc… ùn ragazól ?
“tant”. Vlàmia dir treint’an? (Diciamo trent’anni?) Treint’an per tót: uguê, sèinza Avochèt!
(Trent’anni per tutti: uguali, senza Avvocati!) E in galéra per treint’an a lavurèr e mantgnìr la
famìa ed quàl cl’è mort mazê. (E trent’anni in galera, per lavorare e0 mantenere la famiglia
dell’ucciso) Perché, per mazèr àn gà da éser gnanch una raguòun! E basta! (Per uccidere, non
deve esserci nessuna ragione! E basta!).
Mo a-s’à da vàdder (ma s’ha da vedere) che se un (una persona), in machina, àl càpa
(accoppa) un cavériól, cl’è una spécie protèta, (capriolo, specie protetta) àl pàsa piò guai che s’àl
tós sàtta un àm? (passa più guai che investire un uomo…?) Mo dài… mo dài…
Insàma: mè a dirév che l’àm: mas’c o fàmna, zóven o vèc, putèin,…biànch, négher, zàl…
ecétera, àn-s’ pól brisa mazèr: (qualunque tipo di uomo non può essere ucciso) ànch s’lè
antipàtich, stùpid, malê, ignurànt ecétera… ecétera…
Una Lég ed zinch paròl ch’la déga: (una Legge di cinque parole che dica:) L’amm l’è ‘na
béstia protèta. ( L’uomo è un animale protetto.)