Eilàaa… Bongióren! O bonasìra, s’lè già basôra. Pomeriggio, per gli uomini “in lingua”.
Beh. Murìr san, secànd mè, àn n’è brisa pusìbil. In dàl sèins che l’è difìcil mo às pól anch dèr (può darsi) che un, fintànt c’àl stà a-al mónd, àl posa viver sèinza aver avû del malatî ma però, préma o dop, àl mór ed sicùr e, quànd àgh capita, a sègh ròump quèl… a se’gh frósta quèl… e quindi àn s’pól menga dir cl’è mort san! E quàst, a cràd, l’è comprensìbil anch “in lingua”.
Il problema si pone, piuttosto, sul come giungere sani a quell’inevitabile traguardo.
A dis Piròun: secànd mè, l’è méi tór àl mónd cum-àl vin e zerchèr ed gòdres la véta sèimper: ànch quànd un l’è malê… (prendere la vita come viene e godersela anche quando uno è malato). E po’…: un quèch vézi àl-gh-vól(qualche vizio ci vuole) e às prév ciapèr ànch ‘na quèch malatìa… un quèch incidèint…mo l’è méi murìr avànd gudû d’un quèch vézi che murìr sèinza mai avér gudû gnìnt! (meglio morire avendo goduto di qualche vizio piuttosto che morire senza mai aver goduto di nulla!) Às prév ànch, cum-às giva una volta, curères in mod naturèl cùn àl dét: “pìloli ed galèina e sugh ed cantèina”…(pollo e vino). Eterchè (altrochè) diéta!
L’argomento poi è fin troppo ghiotto perché Armandèin possa astenersi dall’intervenire.
Con licenza parlando… se mi è acconsentito… allorquando, comunque, la prospezione della vita s’impone nell’apotesi di una avanzata esistenza quantunque inmune di sostanziali malattie, resta d’uopo riflettere sull’ineffabile accadimento che queste stesse congetture mancano la corrispondenza con una lungimirante vita.
Mo… coiózzi… riprende Piròun…quastchè sé clè descarrer cièr… ànch se mè àn l’ò menga tant capî.
Beh, dico io, anche se un tantino involuto, mi sembra di aver intuito cheArmandèin abbia inteso dire che un vivere sano potrebbe anche non coincidere con una lunga esistenza.
Ecco. Propria achsè, conferma, in madrelingua, Armandèin. In sostanza, rammento anche un proverbio di mia nonna Liduina la quale praticamente diceva che “lè méi guarìr in présia che murìr adèsi”. Era una donna molto ansennata, non vi pare?
Eh sì, caro Armandino, un tempo, forse anche perché il medico condotto o quello “della mutua” veniva a visitarti a casa dietro compenso mentre in ambulatorio sanava ferite, estraeva denti, ordinava medicine che preparavano in farmacia corrispondendo il dovuto la sanità era un’altra cosa.
Adès, a dis Piròun, i van dàl Dutór anch per un mèl ed testa sèinza aver pruvê préma a tór un cachet… opure per pruvèr la presiòun sól perché igh van tót… opure perché in fan menga la caca forse perché ig’àn dét che scurzèr lè un quèl volghèr mèint’r-invece l’è un quèl, cùm a dis i Dutór, c’al vól fat. Anch, magàri, in un sit adàt…
Mè, a continua Piròun, a sun d’acòrd c’àn duvàm brisa campèr da malê per murìr san, mo l’è gióst curères in manéra da’nn-avér di fastèdi e di quê ch’in-t-fàghen brisa viver, giàm achsè, discretamèint… E po’… basta! Cusa vlìv depiò?! E… s’a cherdî, àv dàgh ànch un cunséli. Quànd a incuntrê un amìgh… mo un amìgh c’àl capésa ànch àl dialàt, salutèl cùm-às feva ‘na volta: … Eilàaa… c’àt vgnés un’azidèint, cuma stêt ?! ( Eilàaa… che ti venisse un accidente, come stai? )
Ed è questo il vero saluto “geminiano” che vi auguro di ricevere in giro per il mondo.