Eilàaa… Bongióren! O bonasìra s’lè già basôra. Pomeriggio, per gli uomini “in lingua”.
A sun arivê a-al Bar, l’eter dè, e àn ne-gh vliva gnànch cràder! Piròun, sidû ed fiànch a Armandèin, cùn in man un giornèl avért davanti a i oc! Lo raggiungo senza che lui si distragga da quell’insolito esercizio di lettura e mettendogli lievemente una mano su di una spalla leggo con lui il testo dell’articolo che dice “Un diamante da migliaia di euro con le ceneri del figlio morto”. E non mi riesce di leggere altro perché Piròun, sollevando il capo, mi balbetta “mo… mo… Mo ‘sa dit… mo és pôl… mo è pusìbil… ?? Désseplir ùn mòrt… brusèrel… mandèr in Sguésra la zàndra… e cavèregh fóra un diamànt??! Mo… in da sàmia arivê?!… mo ‘sa sucéd? Gnànch per i mòrt gh’àmia rispèt??!! Ne segue una discussione che mi astengo dal riassumere o commentare. Dirò che si chiude con Armandèin il quale sentenzia: …” Quantunque anche si apotizzi la legittima volontà dei genitori resta vilipeso il contesto comune e l’apotesi di monnetizzare un corpo.”
Piròun, che ha ascoltato Armandèin, continua dicendo: beh… mè a capés chi-èin di descórs difìcil e brisa da Bar (discorsi difficili e non da Bar),mo àn-né’s pól menga sèimper descàrrer sól ed “pigugnìn” (tipico gioco di carte)…
Mè… va beh… Quànd un l’è mort àn ghe srév èter da dir che “requiescant in pace” mo cùn la fiama d’un fóren crematori la’gh dis pòch…E po’…(sèimper cum a giva Armandèin) agh restarév la zzandra e alóra “arcurdèv c’a sî pólvra e pólvra a turnarî” àl prév màtt’r-a-pòst i quê Comunque, per me, l’è un quèl difìcil. Piotòst, mè-a-glò cùn èl protesi e i trapiànt!
Quànd a sun andê dàl dintésta e àl’m’gè (mi disse) c’a me vliva ‘na protesi, aiò ciapê paura. Ànch perché a ghe vliva, préma, ‘na panoramica. E mè a pensè subét che andèr luntàn, magàri in montagna, per via dàl panorama l’era scòmed e-àl custeva… ma po’ àl-m-fè ‘na dintera e tót al finè lè…(ma poi mi fece una dentiera e tutto finì lì)
Bisègna dir, però, che èl pròtesi eglièin anch quìli d’un znóc, dàl fèmore, e via-andare e menga sól èl gambi ed lègn cùm i fèven una volta…mo anch quìli ed metàl cum’iàn més lè… a… Pìstolis quàl éch córr a pê sèinza gambi. (Oppure come all’atleta Oscar Pistolius). E a so chi àn méss ànch dèl pèzi, dèl plachi d’argìnt e d’or ànch in dàl cràni e… di eter quê ed plastica, ceramica, ecétera inzà e inlà. (Hanno poi messo pezzi d’argento, oro, ecc. ovunque). Tót quê necesàri… d’acòrd…
Àl quèl, invece, c’àn me zvàna menga tant (che non mi convince) l’è àl trapiànt. Lè, secànd mè, a ghè di problema. Lè bisègna pensèregh e stèr al’òc…! (Bisogna fare molta attenzione!).
Intànt mè, s’às pôl, àn permetrév brisa (non permetterei) i trapiànt ed cavî e tót chi èter pultéi chi fan per belàza…cùn la chirurgica plastica. E pò gnànch di eter pèz ed chèrna, d’òs e tót quàl c’a ghè dèinter e fóra edl’àm, testa cumprésa, quànd àn fós propria necessari.
E se propria àn s’in pól fer a meno, àgh farév un documèint cùn scrét ed chi éren “ chi pèz lè” préma ed finìr adòs a lò! (E quando fosse indispensabile il trapianto, gli farei un documento che attestasse di chi erano “quei pezzi lì” prima di finire addosso a lui).
E achsè, ag’avrén una nóva specie umana: “àl bastardòun” (il bastardone).
.