Eilàaa… Bongióren! O bonasìra s’lè già basôra. Pomeriggio, per gli uomini “in lingua”.
L’etra sira, Piròun, l’è-arivê a-àl bar, là ciapê una scràna, àl s’è més a séder, l’à slunghê èl gambi sàt a-àl tavlèin e po’, cùn la vós ech gà un c’al s’arpòunsa, quesi sbadaciànd, àl m’à dét: scólta chè, Momo, tant per intàndres, cus’él un strapuntèin? M. Secondo i dizionari moderni, è un seggiolino pieghevole, per esempio, tra due comode poltrone. In quelli antichi, è un materasso appuntito : una trapunta da pê, tant per dir, mentre nei vocabolari dialettali, non esiste.
P. Ecco perché mè, alóra, c’a capés sól àl dialàt, àn n’al sò brisa…Però, per l’an Sant, a sun stê a Ràma, in pulman e… adès c’am’arcòrd, et ghê ragiòun.(Però,in occasione dell’anno Santo, andai a Roma in pullman e… ora che ricordo, hai ragione). Mo… però…àl Segretari d’un di partî piò cinèin, la dét che lò àn-nés cuntèinta menga d’un strapuntèin…
M. Ed sicùr àl vliva dir che lò, in dàl guéren, per esèimpi, àl vrév ùn post importànt, una pultròuna… e brisa un strapuntèin…
P. Alóra aìva capî bèin… alóra lè una quistiòun ed pultròuni… Beh, se mè a fós in Renzi…
M. Cosa c’entra Renzi? Non è mica al Governo…
P. No…no… àl ghè, àl ghè… e s’àn ghè ménga àl g’andrà. E… agh vói der un’idea… Àl duvrév rutamèr tóti èl màchin blò e àl so post fer un bel autobus blò cùn ànch i strapuntèin. Àl risparmiarév ‘na màsa éd pélla! E achsè, lelór, i préven anch capìr che in dla véta a ghè anch di strapuntèin, menga sól dél pultròun… E po’, dato c’agh sàm, mè a mettrév soquanti fil de strapuntèin ànch in di parlamèint…… per tót chi fiacòun chi fan spàss cabò opure per qui chi dìsen del parulàzi o di quê chi fan schiva…
M. Comprendo il tuo risentimento e il tuo desiderio di moralizzazione ma tu devi capire che non è facile giudicare i singoli comportamenti e che poi gli Onorevoli-non onorevoli rappresentano fortunatamente una minoranza.
P. A srà anch véra, et g’avrê anch ragiòun mo… guardànd la televisiòun in n’ein menga tant una minorànza qui éch fan casèin… In ogni modo, mè, in di strapuntèin, préma ed mandèri fóra da l’aula e po’ “ a cà”…( perché achsè i duvrén fer!) mè, a ghi farév séder… come quànd la méstra la’s mandèva dedrê da la lavagna…(guardando la tivu si direbbe che sono molti i confusionari e prima di mandarli fuori dall’aula o “a casa” li farei sedere sugli strapuntini… come quando la maestra ci mandava dietro la lavagna…)
M. Mo dài, Piròun…in n’èin menga di ragazô… che po’, dedrê da la lavagna in gh’van piò gnanca-lór…(Ma via… non sono bambini… che poi, dietro la lavagna, non vanno nemmeno loro).
P. Àl so… àl so…E po’, ièin adrê chi tìren via ànch el lavàgn… Però mè a sun cunvìnt che un quèch esèimpi àgh vól… ( Lo so…lo so…e poi stanno per togliere anche le lavagne… però qualche esempio ci vuole…) Ecco… magari às prév fer vàdder (mostrare) in chi televisór grand dal parlamèint, la figura d’ùn strapuntèin c’àl s-vira e c’àl’s-sèra…c’àl s-vira e c’àl’s’sèra… in mod da fèregh capìr l’antìfona…
Questo, l’utopistico “Piròun pensiero”.