Eilàaa…Bongioren! O bonasìra s’lè già basôra. Pomeriggio per gli uomini “in lingua”.
Piròun àl m’à branchê per streda e, decìs come un pumpér, àl m’à dét: desò (dimmi)
cus’él ‘ste fat dàl “bingo-bango” chi-in descàren tót? E Armandèin àl m’à dét che anch al’èster…
fóra d’Italia, inzéma ai sô giornê… e pò anch Délmo, àl fiól ed Michilàt, clè sèimper in gir per àl
mónd a vànder i sô “ociòli”( chi sréven, mè a cràd, fasó cundî cùn l’oli) àl gà cuntê (gli ha detto)
che un tassésta àl gà dét: …italiano? … ah… bunga-bunga… per dir bingo-bango… Insàma… c’àl
quèl lè ed Berluscòun… Cum’éla ‘sta fòla?!…
Eh, caro Piròun, cùm’às gìva ‘na volta, la pèr perfìn ‘na fòla mo l’è la verità! E Berlusconi
è stato condannato per Ruby che era minorenne ed altre giovani che andavano ad Arcore a cena la
sera e anche dopo …
Beh, quàst a l’ò capî anca mè… però cum’às fà a cràder che un branch ed ragazéli al-gh
sèlten adòs… e gnànch a pos cràder che lò, óna a la volta, àl li-incantòuna e po’ àl li fróla tóti! In
dàl mê pulèr a gò una trintèina fra pulastrèini e galèin e sól un galàt mo… mè a-gò sol ‘na muiéra
e… agh n’ò abàsta…
Ma vedi, caro Piròun, i problemi sono diversi, più complessi. C’è quello della minore età,
quello della figura istituzionale, dell’esempio che viene dato specialmente ai giovani, della
prostituzione… e tanti altri… compreso quello dell’immagine dell’italiano all’estero e perciò anche
degli “ociòli” che vuol vendere Adelmo.
Aiò capî… aiò capî… Nuèt’r’italiàn aiéren cgnusû cùm-às dis per i Sant, i Poeta, i
Navigadór e po’ anch per àl mandulèin… la bela musica… i cantànt e via-andare… mèint’r’adès…
fê vuèter… Cùn la vostra politica brisa tròp pulida… anzi, mélnàta! E… scusa tant per chèl paròl
chè… Mo tè-et capès bèin cus-a-vói dir… In sràn brisa tót achsè qui lè ed Ràma mo, però, àgh-né
un bèl móc!
Cavalcando lentamente la sua spicciola, Piròun si allontana sconsolato, come al solito.
E come dargli torto? Salvo una qualche eccezione (compreso quella di un Papa “oriundo”
che s’al fós stê “italiano doc” i l’avrén forse scartê perché trop ed sinestra e brisa in linea cùn
quesi doméla an ed bàl piò o meno gròsi), a sàm in brègh ed tela e, tra poch, gnànch piò in mudànt!
Tót i popol dàl mónd, però, i prélen e-i àn ciapê una velocitê impresionànt… e quànd i
mularàn la corda, la forza centrifuga li purtarà fóra da la nostra orbita e nuèter a restaràm chè…
cùn àl noster bunga-bunga!
E àn me gnidi po’ a cuntèr c’àn v’l’iva ménga dét !!