Il dizionario della lingua italiana dice che “concordia” significa (d.e.De Agostini) “”conformità di propositi e di sentimenti; concordanza, armonia, accordo.”” In dal vocabolari dàl dialàt mudnés àn ghè brisa mo “cuncórdia” a vol dir andèr d’acòrd… éser d’acord…
Mè a Concordia sulla Secchia àn-gh-sùn mai andê mo… a Parigi, sé. E come mè, tànt mudnés. Cùn internèt, i tgnàssen tótt i post dàl mand e anch i fat… e-i pólen perfìn andèregh cùn la ripresa dàl satèlite… sèinza móvress da cà… stànd lè, davanti àl computer.
E l’è stê achsè che anca-mè aiò savû d’un progèt americàn cumbinê cùn tri ragazê ed Concordia (c’àl s’ciàma, détt a la méi, “street art globale – Swarm the word migration”) per màtter atàch a-gli armadùr del “terzo anniversario del sisma” quaterzèint farfàl magnètichi ed culór blu; per arcurdèr e fer vàdder la vóia ed la rinàsita dàl paés.
Quàst sé cl’è-un bel lavór!! (questa sì che è una bella cosa) E lo ripete più volte.
Mè…l’è-un pô ‘d tèimp c’a sèint dir de ‘sta Cuncórdia… mo mè àn savìva gnànch cla fóss un Cumùn ed la nostra Provincia…
E sì, invece. E questo Cpl è nato da oltre cent’anni a Concordia fra gli scariolanti che lavoravano nelle opere del fiume Secchia. E ha più di millecinquecento Soci…
Ecco… sé… àl-m-n’à descórs Armandèin. Lò, et sê, l’è un c’àl và àl Bar tótti èl matèini a lézer àl giornèl… E, secànd lò, tótt àl putiféri dla coruziòun… dla màfia… di interèsi spòrch… ecétera… l’è esagerê perché po’, a la fin, come àl sòlit, ag’armetrà (ci rimetteranno) chi pòver bagài chi perdràn àl lavór… Perché, vaddet, Momo, guai s’àn ne-gh fóss la giustézia! Mo, dèl volt, l’àn-n’è brisa achsè giósta e…- piò che èter - a-ghè forse dèl lég c’àn-n’ein brisa achsè giósti… Va beh… va beh… lasàm stèr…
Si… sì… lasciamo che la Giustizia faccia il suo corso… Certo, però, che Concordia, con i gravi danni causati dal sisma tre anni fa, non aveva bisogno di quest’altro terremoto. Ci vorrà una doppia ricostruzione e… doppi sacrifici…
Eh… sé… riprende Piròun. L’idea ed chèl farfàl ed lata (lamiera) colorèdi ed blu atachèdi agli armadùri l’è però una bèla idea e àl dév éser anch un bel spetàcol. E po’, àl srà piò ùtil e produtìv d’óna ed chèl tanti manifestaziòun… sfilèd… cartlòz e bandér chi fan a-al dè d’incô… e che’l finésen spàss cun dla violèinza ed chi “bligh-blogh” lè… e comunque èn còunten un c.z!
Si.. hai ragione. E poi, tranne qualche manganellata e danni di ogni specie, non lasciano nulla. Nessuna traccia, nessun ricordo duraturo…
Ecco. Mè a pensèva propria a quàl-lè.
Mè, s’a fóss in lór, a farévv immèz a la Piàza piò granda dàl paés, una bèla aióla (aiuola) granda e àgh piantarévv dèl margaréti, dél vióli (viole) e tant èter bê fiór…anch profumê… in mod che quànd i avràn finî la ricostruziòun e tirê via egli-armadùr cùn èl farfàli blu ed lata (latta) a sègh-vàga a pugèr quìli colorèdi di èrzèn dàl Sàccia e di camp… e achsè is’arcurdaréven (si ricorderebbero) dàl taramòt c’a-speràmm c’ àn tórna mai piò!
Bèla idea, Piròun… bèla idèa… E per arcurdèr i dàn (danni) che, purtròp, avrà fat la facenda Cpl, àgh metrévv àl cèinter dl’aióla una carrióla (per arcurdèr l’orìgin) e un girasól (che in dàl linguàgg di fiór a vól dir “falsa ricchezza”).