A v’ò da dir (debbo dirvi) che quasta l’è ‘na bruntlèda “stoumpabûs” (tappabuchi).
A-i da savér (dovete sapere) che sàbet set fevrèr domélaquèndes (sabato 07/02/2015) in dla
Gazatta ed Modna (qualla ed chèrta... “la mama” ) in-n’àn brisa psû publichèr àl 4° e 5°
Cmandamèint ed “Piròun e Benigni” e quindi i-àl fan (achsè i-m’àn détt) incô. Ecco perché aiò
pensê bèin ed mandèr a qualla “lettronica” (così definisce Piròun quella web o Blog che-dir-si-
voglia) cla “bruntladèina chè.
Descàrrer dàl Carnevèl han n’è po’ menga un quèl da gnìnt! A srév abàsta tachèr da quàl
ed Rio de Janéiro, Venezia, San Remo, Zèint ed Frera e via-via in tótt àl mand. La tradiziòun ed
Carnevèl l’è vècia come e forse ànch depiò ed la Quarésma. Basta andèr a vàdder in di lébber.
I amm ed ‘na volta i lavurèven tótt i gióren; po’ cùm-aiàm vést in dàl térz Cmandamèint, Mosè l’à
scrétt che dop sê gióren bisègna arpunsèren un. Che po’, nuèter, ag’avàm zuntê tóti èl fest, festèini
e festòun, durànt l’an che tótt a tgnusàmm.
E forse l’è anch per quàst che àl Carnevèl l’è dvintê una festa tótt l’an... (confermato dal
detto “Àl dè d’incó l’è sèimper carnevèl” ossia “al giorno d’oggi è sempre carnevale”) e quindi...
Cantanapoli! ... cum- a- dis Piròun. Il quale continua osservando:
Nuèter a feven Carnevèl perché dop a-gh’era la Quarésma. (noi facevamo il carnevale
perché dopo c’era la Quaresima.) E àl détt “lang come la Quarésma” (lungo come la Quaresima)
l’éra perché i sacrifézi e i fiuràtt c’a fèven (i fioretti religiosi riguardavano soprattutto le cose
voluttuarie o piacevoli della vita come il fumo, il cibo, il bere alcolici, le donne...eccetera) in
finiven mai...E alóra, èl stmàn préma (le settimane precedenti) agh dèven dèinter a bèstia! (ne
facevamo una buona scorta). E alóra... mè a giustarév àl détt che “àl dè d’incó l’è sèimper
carnevèl... e quarésma”.
Infàti, incó, l’è tótt un fricandò (un gran pasticcio) e àt dirò che, secànd mè, eglièin (sono)
depiò èl cosi bróti che quili bèli... Carnevèl àl ghè piò che èter quànd a capita di quê chi sàmbren
impusìbil... gnànch da cràdder... e invece ièin vera! Quànti volt a giàm ed ‘na cosa o-ed-cl’etra...
mo no... mo dài... l’è-un schérz... i àl fan per scherzèr...E invece? No. L’è propria achsè!
Guerda, per esèimpi a Ràma. La Capitèl!... Di Vigil chi andrénn Vigilê... di controlór chi
andrénn controlê...E... in Parlamèint... Àl srà bèin stê ùn bel schérz quàl che Renzi l’à fat a
Berluscòun! ...Va beh che in càl chès chè aiéren ànch ed Carnevél e quindi... un àl duvìva stèr
al’oc... (fare attenzione) perché i-al dìsen anch in italiàn che “per Carnevale ogni scherzo vale” e
Renzi ch-l’è un maledàtt tuscàn àl g’avrà forse pensê... Vliv mo dir? ...
E non posso chiudere questa “brontolatina” senza inviare un saluto a Sandròun Paviròun dal
Bosch ed Satta da Modna. E lo faccio con questi due detti della tradizione Geminiana:
Quànd àl pèder àl fa Carnevèl àl fiól àl fa Quarésma. (Quando il padre fa Carnevale, il
figlio fa Quaresima).
Nadèl e Pasqua a cà di tô / A Capdàn da chi et t’imbat / A Carnevèl a cà di mat ( Natale e
Pasqua a casa dei tuoi / A Capodanno dove t’imbatti / A Carnevale a casa dei matti).
Nona, chèr amìgh, nona. (Antico saluto modenese)
.