Eilàaa… Bongióren! O bonasìra, sl’è già basôra. Pomeriggio, per gli uomini “in lingua”.
L’è una parola tant importànt c’aiò perfìn paura a scréverla. Aìva pensê ànch d’àn fèrel
brisa ma l’è stê un-amìgh c’àl m’l’à dmandê e fer finta ‘d gnìnt àl srév stê ùn brót sègn: perfìn
vérs ed me. (E’ una parola talmente importante che ho persino timore di scriverla. Avevo pensato
anche di non farlo ma poiché mi è stato chiesto da un amico, far finta di nulla sarebbe stato un
pessimo segnale: persino verso me stesso.) E alóra, ecco c’a sun chè a càst ed sembrèr presuntuós.
Mè a-gò una mócia d’amìgh, giàm achsè, normê… E da sèimper, àm piès i provérbi… i mod
ed dir…e alóra a dégh che “a vèl piò n’amìgh trést che un bòun parèint” (vale più un amico tristo
che un buon parente ). E sèimper per via dla presunziòun, sintî quàl c’a scrét Sant’Agustèin: “ In
questo mondo sono necessarie solo due cose: la salute e un amico; queste le cose di grande
importanza, quelle che non dobbiamo trascurare.” ( E per via ed la “par condicio” a la tradùs ànch
per Piròun e anch perché nisùn, mè a cràd, l’è stê tant sfazê da tradùser, in dialàt mudnés,
Sant’Agustèin!! “ In ‘ste mànd chè, l’è necesàri sól du quê: la salùt e-un amìgh; quisti-chè eglièin
èl còs ed grànd’importanza, quìli c’àn duvàm brisa trascurèr.”)
Sèimper per restèr in di Sant, sò per la strèda dèl Raîs, dop l’Imbrancamèint e àl cunfìn cùn
la Tuscana, a-ghè San Pelgrèin in Elp e-in cla maravìa ed càl Santuari lè aghè la tamba ed San
Pelgrèin e San Biànch (dopo il passo delle Radici e il confine con la Toscana c’è San Pellegrino in
Alpe e la tomba dei Santi Pellegrino e Bianco) Da qui l’assunto e il detto di amicizia inseparabile:
“Come san Bianch e san Pelegrèin”.
Cambiàm dìsch! Un’occhiata ai “sinonimi”, dice che alla parola amico corrisponde quella di
Mè an’ò descórs cùn Piròun e lò àl m’à dét:
Per via di amìgh a sun d’acòrd anch se quànd et me cuntê dàl corp… ed l’anma…
Ah, sì… ti dissi che fra le tante definizioni c’è anche quella che recita: “L’amicizia è
un’anima sola che vive in due corpi”…
Ecco… beh… quàla-lè l’àm sàmbra un’esageraziòun. Mè a-gò di amìgh ch’i-gàn un’anma
divérsa… Lór i vàn a la màssa e me nò… lór igh cràden propria; mè, specialmèint cùn quàl c’a dis
zért prét…a fagh fadìga… epór a sàm amìgh, amìgh dabòun… come tégh.
E po’, per via di simonimi (sinonimi) a gò i me dóbbi. Mè, ed politica, àn n’in vói savér…
àn-nègh capéss gnint… Però dir camerata e dir compagno… almeno tèimp indrê, a-ghéra un bel
caz ed difarèinza e… forse ànch a-al dè d’ incô.
Per àn dir, per esempi, dàl camerata Musolini o Hitler chi han mazê o fat mazèr di miliòun
ed persòun… Ghìvni la stàsa anma ed Gandi? L’è un quèl impusìbil! Listàss come dir che Stalin,
cùn i so camp ed cuncentramèint in Sibéria… ecétera… àl fóss ùn amìgh ed la so gèint…di so fradê
róss ! No… no… àn sun menga d’acord. Perlomeno bisgnarév cambièr àl sinonimari… lè…àl
vocabolari…
Ma qui andremmo troppo per le lunghe e quindi a pèins ed finìr cla bruntleda chè cun tri
provérbi nustràn:
Dio li fa po’ li acumpagna (Dio li fa poi li accompagna)
Pat cèr, amicézzia langa (patti chiari, amicizia lunga).
Àl bèin di amìgh e di can, per avérel sèimper bisàgna tgnìri luntàn (il bene degli amici e dei
cani, per averlo sempre, occorre tenerli lontani).
Ciao a tutti con tanta sincera amicizia..