Eilàaa… Bongióren! O bonasìra, sl’è già basôra. Pomeriggio, per gli uomini “in lingua”.
“Dulcis in fundo” si diceva un tempo, in latino “maccheronico” per significare che il dolce giunge alla fine del pranzo. E siccome quasta-chè l’è l’ultma bruntlèda (o almeno achsè la duvrév éser) dàl periòd estìv fata ed “specialità gastronomiche classiche e tradizionali in rima del Ducato Estense” contenute nel mio libro “MAGNÈR IN DIALÀT” cùm-a-gè àl 21 ed Zógn c’aiàm pasê, aiò pensê che i “zucarèin” i pòsen desparcèr la nostra tèvla imaginària ( e così come detto il 21 Giugno scorso ho pensato che i “zuccherini” possano sparecchiare la nostra tavola immaginaria).
Préma ed tachèr cùn la réma, l’è gióst dir che cla tradiziòun chè a-l’avàm cupièda da-i bulgnés (copiata dai bolognesi) e praticamèint la serviva quèsi sól per risparmièr di cunfèt in di sacàtt di spós… perché in etri ucasiòun, dàl nostri pert, a preferìven i amaràtt. Comunque, la rizèta, piò o meno, la srév quàsta: 500 gràm ed farèina tipo zero, 400 gràm ed zócher, una bustèina ed vaniglia, 2 óv intér, 100 gràm ed màndli (mandorle) dólzi, 150 gràm ed butér.
ZUCARÈIN
Quànt cunfèt, in dàl sacàtt? / Un? L’è poch… Tri?! Vàni bèin? /
Sé… però… l’è da puvràtt… / Beh… metàm’gh-i zucarèin. //
Ecco, quindi, che zuntèr / per i spós, ‘e-ste bumbòun, /
àl serviva-a-risparmièr/ e-a mantgnìr la tradiziòun. //
Quàst, perché-i-cunfèt, despèra, / ànch s’i-càst’n-i porten bèin, /
Mèint’r-às fa, cùn la panèra, / sèinza spés, i zucarèin.
TRADUZIONE
Come abbiamo visto, anche in occasione delle nozze , nonostante il detto “àn s’pól menga fer nòz co-i-figh” (non si può “far nozze” con i fichi) era lecito, data la generale indigenza, cercare ogni possibile economia nell’ambito della tradizione.
E…Piròun àl vól dir la sô. L’è vera che, specialmeint in campagna, di sold a ghe n’éra poch mèinter in dal magnèr a se’gh saltèva sèimper fóra. I zucarèin i gniven fat in cà e quindi i custèven poch e gnìnt mèinter invece i cunfèt bisgniva cumpreri e quindi… Però, se in di sachtèin àgh metìven du cunfèt bé gròs, ed chi biànch, cùn la màndla, di zucarèin a gh-n’andèva almeno zinch. E po’, piotòst a’s cumpreva un bel poch ed chi èter cunfèt, colorê, piò cin, da butèr ai ragazô, quànd i spós i gnìven fóra d’in ciésa…Mo menga dàl rîs… cùm-i-fàn incô… c’àl và strusiê (sciupato).
Mè aiò vést adiritùra butèr (gettare) di macarunzèin!… Quàst l’è ùn mand de strusciòun!
E pò…dato c’agh sàm, a vói fer una proposta a tót qui chi fan i aniversari ed matrimoni. Invece di cunfèt culór argèint o or, perché, àn mandê ai vost’r-amìgh ùn bèl sachtèin ed zucarèin ?! A ghe psî màtter poch zócher per via dàl diabét… e lór, a sun cunvìnt che-i-magnarèn vluntéra. Fèl (fatelo)magari ogni zinch àn e in dàl biglitèin scrivìgh achsè: “Se in dàl strisiòun dàl traguèrd a truvê scrét partèinza àn-né brisa un sbàli: l’è propria achsè! (Voglio fare una proposta a tutti coloro che festeggiano gli anniversari d’oro o d’argento. Invece dei confetti di quel colore, mandate un bel sacchettino di zuccherini… magari ogni cinque anni e con poco zucchero…scrivendo nel bigliettino: “se sullo striscione del traguardo trovi scritto “partenza” non è un errore: è proprio così”).