Ferma! Ferma!... spèta… spèta! Parcheggiata e fermata la macchina, sono sceso, sùbito raggiunto da Piròun al quale ho chiesto, ovviamente preoccupato, di conoscere la ragione di questo suo comportamento. ​H ei, Piròun, ‘s’a-sucéd?... Cus’è sucès?... E lui: Beh… perché?... Cusa-ghè?? In càl mèinter, às-sàm sidû urdnànd i cafè… (ci siamo seduti ordinando i caffè). Mo dio…Cusa ghè?! T’ér chè dèinter che-t’urlèv come ùn simiòun in gàbia… Beh… beh… Momo, han n’esagerèr…Mè a vliva sól fermèr la màchina… A-i-ò capî… a-i-ò capî… E… alóra… cusa-ghè‘d-nóv? ​Beh… Cusa-ghè’d-nóv èt-màl duvrévv dir propria te! Dato che poch tèimp fa et m’aviv pruméss ed fer do ciàcher su chèl tanti bagianèd èch-càpita in dàl mand… ​Sé! Èt-ghê ragiòun. Mo… et sê… èl fèrie… la famìa… un quèch divertimèint… ​Ah, già, èl fèrie… A quìli-lè àn g’aviva mai pensê perché, vàddet, per nuèter cuntadèin, chi més lè iéren propria qui in dàs lavurèva depiò… ​Et ghê ragiòun, Piròun, et ghê ragiòun e… a te dmànd scusa. ​

Mo che scusa-d-n’azidèint! Beda, piotòst ed fèr in manéra (fare in modo) ed truvères ànch s’am-sàmbra ed capir che sèinza la politica e chi pover desgraziê di barcòun i giornê i prev’n gnìr fóra sól cùn dèl pàgini bianchi salvo una gran sfilza d’incidèint… ed murtòri ed tótti el fata e ‘na sbaruzèda d’areclàm… E alóra, fintànt c’às pôl, andàm avanti cùn ‘na quèch pistulèda…. ​Anch se a ciamerli achsè, descurànd ed zért personàg às fa fadiga… ​Àl prém dè dla stmana inaugurèl (Gazàtta dal 30/05/15) al’avàmm srê cùn le NOZZE GAY Irlandesi e naturalmèint cùn Pepa Francesco.

E alóra? ​Ecco chè che a la fin dal mes ed Lói , Monsignór, Don, Pèpa Bergoglio àgh vin vóia d’andèr a la Massa. Fórse, chissà, ‘na quèch volta l’avrà anch pensê d’ander a Cinecittà per fères truchèr, mo… àn-n’àl cràd brisa. Piotòst, almeno per cla volta lè, mè a peins cl’ava pensê propria al’arvérsa. E cioè che qui chi àl vdìven, per strèda i-avésen pense: mo guarda lelò c’àl s’è truchê da Pepa gnànd magari in gir da Cinecittà. Po’, una volta cunfùs immez a tótt chi-èter… almeno àl Pàrech o-àl Sagrestàn… igh sràn andê piò vsèibn… i l’avràn tuche… ​Beh… àgh vól dla scorza! ​Po’, naturalmèint, iàn fat “largo” e la strèda per l’Altèr l’è steda tótta sô. ​Per lò, per èl sô teorî, al’altèr a ghè srà stê…sól un Celebrànt ed piò mo per chi Pritèin lè-ed fiànch una Massa cla vèl una vocaziòun e tanta mo tanta festa specialmeint per i putèin.