Ecco chè èl sbraghirèdi ed la quèrta stmàna.
SALVINI Seriffo! Inzà-e-in-là su quesi tótt i fài (giornali) l’è gnu fóra (viene riportata), parola-più, parola-meno, la seguente frase: …”chi uccide un rapinatore non dovrebbe essere processato ma premiato”. …Aleee…Ariva i nòster! … Mè, e ménga sól mè, a s’è gnû davanti a-i oc la figura ed Gary Cooper o un èter Seriffo che finalmèint l’iva fat-fóra àl delinquèint ed tùren… quàl che tótt aiavrén vlu mazèr. Méi ancàra sl’éra un meticcio o-un indiàn. Mo la nostra figura l’àn-n’è brisa quàla bèla e pulida ed Gary Cooper mo quàla d’un butghèr qualunque c’àl s’è vést rubèr quàter baiòch cl’éra àl pan ed la sô famìa. E àl lèder àn-n’éra ménga un indiàn mo un clandestèin arivê chè cùn un barcòun o mèz-asfisiê in dàl cassòun d’un TIR. Bróti stòri, comunque: violèinza,,, guera… ingiustézia. E-a-ghe-n’è tànti, tótt i dè… Tropi! Ma Salvini àl dis cl’è contro la pena di morte. E alóra? L’è in contradiziòun. E piò che èter às pól discùter àl Serìfo mo menga àl butghèr fai-da-tè!
Però…atenziòun…am’archmànd…La tentaziòun ed fer àl Gary Cooper sèinza stràla, la ghè! Per quèsi tótt. E…àn duvàm menga fer i ciai! (non dobbiamo fare i finti tonti o gli gnorri)
MONTEBELLUNA (Treviso) Questa intraprendente e concreta popolazione montana bada, come tutti i montanari, “àl sodo”. Àl fat l’è quàst: Come dapertótt, almeno in Italia, arìva a cà d’un’Oste-Contadino (Forse Agriturista, cùm’às-dis àl dè d’incô) una cartèla ed tàsi da paghèr mo… subétt, subétt perché àl tèimp l’è già scadû. Forse, àl s’era descurdê. Da bravo e onestocittadino ci tiene a pagare le tasse (sia pur malvolentieri, come tutti). Almeno àl momento, però, non dispone di quei Millesettecento Euro che gli vengono imposti. Le banche, per lui, sono luoghi immondi e da evitare. Forse in un ritorno ancestrale, gli vien fatto di pensare ai sô vêc… quànd a-s’andèva “a zêrla” (stanga per il trapélo), quànd cioè is’aiutéven l’un cùn cl’eter opure, in càl chès chè, forse, l’è méi dir àl barât (il baratto). Perbàco, l’è giósta baratèr! … L’à deslighê una vàca da la stàla, àl gà méss un sugàtt (corda) àl col e… via… vérs l’Ufézi dèl tâs. Cus’è sucèss àn-n’ès-sa-brisa mo… àl-s-pôl immaginèr. Séndegh, Vìgil, Carabinér, Veterinari e… tótt a rédder… a sgnazèr…(sghignazzare) cùm-a-fa Piròun cl’è chè c’àl scólta e àl dis “Cuntadèin, schèrpi grosi e zérvèl fèin”.
Quante probabilità hai di MORIRE NEI PROSSIMI CINQUE ANNI ? Àv dégh subétt che piò che paura l’è un quèl da rédder. E dir che às trata d’un stódi sientìfich perché, iàn scrétt, cl’è stê fat un algoritmo con seicentosessantacinque fattori, applicati a ottomilacinquecento persone morte fra il 2006 e il 2010 (giv chi àven intervistê anch i mort?) La cosa piò importànt, però, la sàmbra éser quàla che ‘sta buièda chè (questa boiata)custèda probabilmèint “una bàtta d’oli” (una botte d’olio, per dire una esagerazione) la duvrévv servìr a tótt qui chi-àn achèra (che hanno piacere)d’àn murìr brisa èint’r-i-pròsim zzinch àn. A sàmbra, per esèimpi, che caminér svélt àl sia un bòun rimédi (mè aiò sèimper savû che tirèr’s-adrê-el-zavât l’è-ùn-quèl da vèc bacóch), che vìver in còpia l’è méi che fer la véta da pótt… E tanti ètri putanèdi… Mo mè a dégh: se invece-‘d-spànder tànt sold cùn l’ “algoritmo”, im’avéssen dét quèl… mè àgh-insgnèva per gnìnt un proverbi càl dis: “bacco, tabacco e venere, riducono l’uomo in cenere” che tótt nuèter aiavàm imparê dagli insegnanti “fai come dico e non come faccio”. Àl màsim… i avrénn psû regalèrem ùn létter d’oli…