A sun andê ancàra una volta a cà da Piròun anch perché la Delina l’à piesér ed fèrem sèinter la pulèinta fata cùn àl furmintòun zinquantèin chi fan lór . Cùn àl bacalà! E…
a capirî… L’è come invidèr un’oca a bavver! ... E achsè aiò anch decìs ed tgnìrla curta e matter insàmm du Cmandamèint: Il settimo e l’ottavo a dègh cùn Piròun.
E lò, pròunt e sicùr: Il settimo. Non rubare! E a sun d’acord anch chè cùn Benigni, quànd l’à dét che quàst l’ è un Cmandamèint fat aposta per nuèter italiàn. E cioè che Dio, l’unich ech pól vàdder àl futùr, anch perché àl futùr àl le fa lò, l’avrévv dét quàst propria a Mosè! Naturalmèint, quasta l’è ‘na gran bàla ed Benigni per tór a man tóti èl ruberî e la coruziòun salteda fóra propria in ‘sti ultem tèimp. L’è vera, però, che,secànd mè, nuèter italiàn agl’avàmm ùn puchèin in dàl sànghev àl vézi ed rubèr… d’arangères…perché, sennò àn g’avrén brisa achsè tant provérbi, mod ed dir…ecetera.
Sèint-mo-chè: Gióst per tótt e rubèr s’a-s pól…(Giusto per tutti e rubare se è possibile), Roba rubèda la-n fa ne pro ne parèda (Roba rubata non fa nessun pro), Àl dièvel l’insègna a rubèr mo menga a lughèr (il diavolo insegna a rubare ma non a nascondere), L’ucasiòun fa l’amm lèder e la danna putàna (l’occasione fa l’uomo ladro e la donna puttana). E achsè tant eter…A ghe-n’è un, però, c’àl riguerda la coruziòun. Al dis: Coi quatrèin e l’amicézzia a-s va in cul a la giustézzia (Coi quattrini e l’amicizia si va in c. alla giustizia).
Insàma, a ferla curta… nuèt’r’italiàn a sàm fat achsè! … Mè, però, a-ìva capî, che càl cmandamèint lè l’éra stê fat perché, alóra, treméla-an fa, i rubèven la gèint, èl persòun e specialmèint èl dànn…Aiò ancàra in mèin, mè, quànd a scóla i-s’ insgnénn (ricordo ancora quando a scuola ci insegnarono) che Romolo, Re di Roma e chi èter Rumàn, i fén “ il ratto delle sabine”…E àl Duce, àl s’in vantèva…mèinter nuèter, Figli della lupa e Balilla, cùn tótt i prét e perfìn àl Pepa, àn savìven brisa d’éser fiô d’un brànch ed lèder!…
È un po’ tirata… dico io, ma non v’è dubbio che il Decalogo si rivolgeva, almeno principalmente, alle numerosissime guerre per la conquista di popoli che diventavano poi schiavi. Bravo Piròun, propria achsè! E, alla fine, c’è il furto più grave: quello che cerca di rubarti l’anima, il sorriso, l’amicizia, il bello (natura compresa).
Mo sicóme a capéss che la pulèinta l’è quesi cota, dô paròl ànche per il successivo
8° Comandamento: Non dire falsa testimonianza.
Quante e quante volte uomini e specialmente donne hanno subito condanne ingiuste. Molti sono anche stati uccisi o imprigionati per reati inesistenti. Altri ancora ad opera di falsi pentiti. E i Giudici (quelli onesti) si sono trovati a volte nel dubbio più atroce. Con le confessioni estorte…con le reticenze mafiose … Bocca della verità oppure della menzogna? Sé, a dis Piròun. Spàss, a sun cunvint c’a sia piò pês la pàna per un Giùdic che la vanga per mè.
Momo? Cus’al détt Benigni a la fin?
Mah? Credo: “la verità è bellezza così come la bellezza è verità”
Ànch s’àn-nàl capéss brisa dàl-tótt… eglièin (sono) bèli paròl e quindi a sun d’acord.
.