Un an fa ( Gazzetta di Modena 01/03/2014) aiò scrét “Dai! Matéo… dài!” investendo, se così si può dire, su Matteo Renzi. E lo fece Piròun, irrompendo sulla pubblica Piazza dopo averlo fatto anche con Papa Francesco. Fin troppo facile e anche presuntuoso dire c’àl g’aviva ciapê in quanto la rottamazione sembra quasi del tutto completata (Bersani e C. permettendo). Alóra àg fò Tugnòun (v’arcurdèv?) c’àl perdè i sbafi mèinter qui ed D’Alema ièin dvintê piò sutìl… quesi invisìbil. Di èter i biàsen un cevingùm sèimper piò amèr.
Piròun, naturalmeint, l’è piò che cuntèint però l’è imbraghê fin sàta-al lasèini (arrabbiato fin sotto le ascelle) perché, àl dis, igh-l’àn-ségh (ce l’ànno con lui). E così si esprime:
Mo… s’àgh gnéss un-azidèint… mo… s’à da vàder… s’à da sèinter…bambòz chi-àn guernê fin-a-iér, i-àl critichen e-i-l’ofànden ménga perché àl fa di quê … mo perché àl li fa divérs ed quàl chi vrén fer lór. Mo perché àn l’àni fat! A dégh mè. Perché-àn l’ani fat?! L’è fin trop fàcil rispàndregh: … Perché in savìven brisa fèrel… perché in vlìven brisa fèrel… Perché in vint’an in-n’àn-mai cambiê gnint… perché àl so interèsi l’era quàl d’an cambièr grint!
E po’ a-ghè ànch di eter quê da dir. Qui ed l’oposiziòun ièin sèimper, piò-o-meno, èl stessi ghégn (salvo i fiô ed càl còmch lè che po’ i scàpen via piàn-piàn). E vàdder Renzi, cùn ùn brànch ed zuvnót e beli ragàzi c’àl descàrren ànch do-o-tre léngui… ièin invidiós. E l’invéddia, cùm’aiò sèimper détt, l’è la piò bróta bèstia c’a-se-gh-sia!
E bravo Piròun! T’e descórs in ‘na manéra achsè tranquéla e sicura c’àn-n’avrév mai cherdû… E lui, di rimando: Perché eglièin cosi séri… e po’ anch perché Matéo Renzi àn-n’è mai volghèr. Ménga come càl ragazèl lè… ed la Lega… Salvarani…cl’è nóv come ‘na spìciola Bùrtel (vecchia bicicletta del rigattiere Bùrtel) … c’àl fa propaganda cùn del maiàtti chi ciamen flépi (felpe) c’àl cambia in di post in duv’al và. E a Ràma, tànt per dir, l’iva scrétt dapertótt “Renzi a casa”. Una nuvitê… c’la póza piò d’un scarpòun d’Alpèin…E tót lè davanti, cùn del bandéri ed tóti èl fata. Ànch cùn la ghégna ed Mussolini: àl Duce. Vlìv mo dir? … la nuvitê… Forse per lò…forse perché al fasìsem àn l’à brisa cgnusû… Mo chi èter c’àl g’aviva lè’d-fianch i-àl saviven, e come!
Mè, intànt, a dégh che la libertê la và bèin mo egli-ofés e la schifàza no.
E po’, Renzi àl s’ciama Matèo mo àn n’è brisa Sant e, secànd mè, àl stà anch atèinti dà-nn’àl-dvintèr…perché in dàl mer ed la politica di pàss-can agh-né a véta. Anch cùn l’eleziòun ed Matarèla, per esèimpi, l’è ste svélt e fùreb piò che chi èter ch-is’èin impantanê in-dl’aqua cièra… E po’ l’era Carnevèl e ogn i schérz l’éra lècit…E po’ a-ghè ùn fat da dir: Matarèla l’è andê bèin a tótt e quindi i avrén duvû aplaudìrel, Renzi, menga dìregh edl’imbruiòun. Mè a dégh invece che quàst àl gà un sól nàmm: invédia! Sól invédia!
E per via ed mandèrel a cà, Renzi àl-gh-và ed sicùr anch perché s’al gà tri fiô e i so “còumpit” a vól dir c’àl li sà fer. E po’, l’à bele détt che quànd à srà àl mumèint àl taiarà l’àngol (se ne andrà). E mè àgh cràd! Achsè cùm-a-cràd che lò e Pepa Franzàsch i-sìen stê mandê da un “quechidùn”.
Piròun, lo sappiamo, è uomo che non prende molte curve ma qui non mi sembra che sia andato fuori strada. La schiettezza, poi, è merce rara di questi tempi… per cui gli dico grazie.