D’acord cùn Piròun, àn’avàm mèss insàm du di Cmandamèint ed la nostra dutrèina: “4°
Onora il padre e la madre “ “ 5° Non uccidere “ E po’, cùm’à-dét anch Benigni, bisgnarév
modifichèr àl quèrt zuntàndegh (aggiungendovi) “àl nòn e la nòna” perché, specialmeint a-al dè
d’incô, ièin lór chi’gh tìnen adrê. e anch perché, con le famiglie “allargate”, àl problema àl s’è
slarghê. Comunque sia, a-ghè srév pò una ricompèinsa per i fiô o i anvôd: “affinché si
prolunghino i giorni della tua vita sulla terra”.
Unór, àl dis... Onore! Chl’è bèin piò che rispèt...dato che “unôr” àl spetarév sol a Dio.
Naturalmèint, ecco, àl fiól àl dév truvèr àl tèimp per “prendersi cura di loro” e vléregh bèin. E càl
tèimp lè, el piò del volt, àn n’al truvàm brisa! E Dio àl dis invece cl’è propria cùn càl tèimp lè che
àl-t -farà campèr depiò. L’è un pô difìcil da capìr... ma forse l’è achsè.
Mo... vàddet, Momo, a sèlta sò Piròun, treméla-an-fa i amm, la gèint, iéren dèl bèsti divérsi!
(molti) sold opure dla roba ed valór intestèda a sé-stàss...Che po’ i córen àl pericol d’éser-acupê
(Tremila anni fa la gente era diversa. Oggigiorno e già tanto che li sopportino o abbiano veri beni in
loro possesso... Che poi corrono il rischio di essere accoppati). E-i-èin fat vèra (Sono fatti veri) Ed
tót i dè (Di tutti i giorni).
* * * * *
E-a càl punt chè, àgh-và co-i-sô pê: Non uccidere.
Mo gh’éra bisègn ed dìrel? Sé! Propria sè! E-a-vàl-dégh ànch in dialàtt: Menga mazèr!
Menga cupèr! Mo l‘amm l’à sèimper fat fadìga a capìrel. Da Caino in-zà. (Non ammazzare! Non
accoppare! Ma l’uomo ha sempre faticato a capirlo. Da Caino in qua) E in tóti el guèr c’a-ghè-stê, e-
às prév dir fin a Mosè, mazèr un’ èter l’era una cosa... naturèl. Mè o tè?.. (Io o tu?). Tè! (Tu! Devi
morire) E dop a-al Decalogo? Idem. (E dopo il Decalogo? Fu lo stesso). Anzi: menga
singolarmèint... No...no... Organizê...giustifichê... Cùn èl guèri... Cùn la bomba atomica...E
perfìn, quasta l’è gròsa, (questo è grave) cùn èl gueri “santi” (Le crociate), opure cùn la “pulizia
etnica: da i Ebrei o dai zéngher cùn Hitler o dàl Kosovo cun la Serbia, per dir sol degli ùltmi chè
d’atórna o chel-s’àn tuchê (pulizia etnica: dagli Ebrei e Zingari con Hitler o del Kossovo con la
Serbia per dire delle ultime qui intorno o che ci hanno interessato).
E adès ag’avàm l’ISIS o Alkaida (Al Quaeda) per via di Musulmàn. E la prév dvintèr una
questiòun “Santa” per el caricatùr ed Parigi. E sicóme tót i dìsen la sô... sintàm anch Piròun.
A sun d’acord cùn tót quàl ch’tê dét e agh vói zuntèr ùn quèl. A tót qui chi’s maravìen (si
meravigliano) giustamèint (!!) ed chi ragazô cùn la pistola o cùn al s’ciop in man chi vinen alenê e
perfìn druvê per fères scupièr o fer la guèra cùn la scusa ed Maometto o quechcos’eter, i duvrén
pensèr che Hitler e Musolìni i vistìven da Balilla o da Moschettiér nuèter Cinno dàndes in man di
fusìl (mettendoci in mano fucili) che-i-sparèven dabòun (che sparavano sul serio) per àn dir ed
Papa Pacèli cl’à sèimper cundanê la guèra mo però àl s’feva cantèr “... siamo arditi della fede...
siamo araldi della croce...Al tuo cenno, alla tua voce, un esercito ha l’altàr !...”.Vèin sutìl, sé;
mo...sèimper vèin.
Adès-a-tàcca a lór, agl’infedéli. Ěni pêz? A dirév ed sé! Però... zzercàm ed ragiunèr... E
giàm tót... mo propria tótt: Ménga mazèr! No! No! E po’ no!!.
* * * * *