Eilàaa... Bongióren! O bonasìra sl’è già basôra. Pomeriggio, per gli uomini “in lingua”
Pubblicato su:http://levoni-modena.blogautore.repubblica.it/
Per tót l’è sèimper steda ciamèda “la sórda”. Forse la g’aviva anch un nàmm mo nisùn l’à
mai savû o àn l’à mai vlû savér. Ànch perché lê l’àn s’è mai girèda sia chi-gh gésen “hei... vò...”
opure “heeei... sóóórdaaa”. Forse, l’era sórda dabòun! E nisùn, c’àm sàva mè, àn l’à mai vésta in
ghégna. Àl fazulàt, o sciàl c’la purtèva in testa, la’l tgnìva tànt avanti càl-g-quacèva la fròunt, i oc,
e tót àl rèst... cl’era po’ ùn fagòt de stràz ch’igh cruviven ànch i pê: néghèr cùn e, forse, sèinza
schèrp. L’éra granda come mè c-ag’aviva quàt’r-o-zìnch-an. E s’la g’aviva la vós mè àn l’ò mai
sintida. Pulida, no. Ma tót i gìven cl’àn puzèva brisa. E l’àn n’à mai dê fastédi a nisùn.
La stèva in-ùn curtìl cùn ‘na fila ed bàs còmed cùn tanti porti da fer pensèr che préma i
fósen stê, s’in l’éren ancàra almeno in pert, di ciùs da porch. Ed fiànch a-l’ós, ùn fnéstrèin cùn ‘na
frèda a crôs; forse, ùn tlaràt cùn ùn véder. Dèinter? Sól lê e Dio iàl savìven...Da ‘na pert e da
cl’ètra (a schiéra, às dirév àl dè d’incô) ètri port, èter fnéstrèin, ètra gèint, ètri famî cùn tànt
ragazô chi avràn vést “la sórda” cum-a-lò vésta mè...
In fanda a-àl curtìl una bèla cà; quèsi una véla cùn dèinter àl padròun-cuntadèin: tre
persòuni in tó. A destra la staltèina còl pòrdegh e la tésa (fienìl). Àl pàzz.
La sórda, tót i dè l’andèva a fèr spesa. Dop zinchzèint méter, a destra, aghéra ‘na carèda e
subét dop, su-la sinistra, in un spiàz ed set-o-ot méter quèder, la màsa ed Buràna, àl spazèin dla
Cumuna c’àl tuliva so àl rósch dèl famî e di negozi ed tót àl paés. Quàst l’éra àl sô supermerchê e,
per quànt riguardèva àl repèrt alimentèr, l’ unich aventôr. Cùn quàst, ed quàst, la campèva. Forse
a la limósna o a la zzérca, da-i-cuntadèin mo, ed sicùr, sèinza dmandèr gnìnt, sèinza tuchèr gnìnt,
slungànd sól una manèina fóra dàl sô móc de stràz.
E quàl c’aiò sèimper pensê cla fóss ‘na dànna, d’in da la des((v)gnéss, perché la campéss
achsè, in-da-l’andéss o la vléss andèr, s-la preghèva o la malediva chi e cosa, àn v’àl sò menga dir.
Però àm piesrév imaginèr che.........
* * * * * * *
Fuggita dall’Orfanotrofio, ha vagato a lungo assieme alla sorellina la quale, violentata in
quella struttura che doveva proteggerla, morì dando alla luce una figlia che lei, la sórda, consegnò
poi a persona fidata garantendone il mantenimento e chiedendo l’assoluto silenzio sulle sue origini.
Fece ogni genere di lavoro lecito o illecito che fosse, mettendo da parte una più che buona fortuna
mentre la ragazza conseguì il diploma di laurea. Date le necessarie disposizioni al tenutario della
nipote, scomparve. Consegnò poi ad altra persona fidata, un biglietto con l’indirizzo di quel
tenutario affinché venisse a conoscenza, a funerali avvenuti, del proprio decesso liberandolo e
contemporaneamente ringraziandolo per la mantenuta segretezza.
Al funerale parteciparono, con i loro candidi grembiulini, i bambini dell’Asilo con le Suore
dall’altrettanto bianco mantello.
Alcuni giorni dopo, gli abitanti del Paese, constatarono, con meraviglia, che il cumulo di
terra che ricopriva la bara contenente il corpo finalmente visibile della “sorda” era interamente
ricoperto di rose rosse.
