Eilàaa… Bongióren! O bonasìra, sl’è già basôra. Pomeriggio, per gli uomini “in lingua”.
La superstiziòun, secànd mè, l’àn-n’è brisa ‘ste gran brót lavór. Epùre i lébber i-in
descàrren stricànd i dèint o ànch, per esèimpi, come-in-dàli vocabolari dàl dialàtt, in-gh-màtten
gnanch la parola. Roba da mât! Mo perché?!
Àn vàl so menga dir. Av dirò sól che ànch in qui “italiàn” i tìren via… tipo “tendenza
derivata dal timore e dall’ignoranza, ad attribuire carattere soprannaturale od occulto a particolari
avvenimenti”. Ecétera… Ecco: mè àn pretànd menga ch’i descarren di gàt négher, dàl nomer
trades e via-andare… mo chi vàghen atórna a chèl dô paròl chi àn scrétt e cioè “timore” e
“ignoranza”.
Fa gnint. Magari ìn savî depiò che mè, però… siccome incô ièin tót piò istruî mo forse in
san brisa che-a-ghè dèl persòuni c’aglièin, giàm achsè, armesi indrê… a vèl la pèina ed bruntlèr
quèch-cosa (Magari ne sapete più di me ma poiché vi sono persone, diciamo così, retrograde, vale
forse la pena di brontolare qualcosa).
La parola a Piròun, ovviamente, è d’obbligo: ne sa più di tutti noi.
Caro Momo. Mè àt dirò c’aiò fât in tèimp a cgnàsser me bisnòn c’àl-s-ciamèva Dumìro…
Sé… insàma… nuèter àl ciamèven achsè mo àl sô vér nàmm l’éra Clodomiro. Beh. Am’arcòrd bèin
che lò, quàl che quèsi tót nuèter a ciamèven superstiziòun perchè is-avìven insgnê achsè a la
dutrèina, lò àl li ciamèva tradiziòun o provérbi (ricordo mio bisnonno Clodomiro che quelle che
noi chiamavamo superstizioni, perché così definite nell’insegnamento della dottrina cattolica, lui le
definiva tradizioni o proverbi piuttosto che credenze).
Comunque, man-di-man (man mano) c’a gnìv’n avanti, dimandi ed chi quê lè i-avàm tolt in
rédder (molte di queste cose le abbiamo prese in ridere) anch s’a-gh’éra ed qui chi’gh dèven amèint
(che ci credevano)Piò che mè, per-esèimpi. Armandèin. L’à ‘na paura ed murìr che se, per strèda,
l’incrósa un car da mort, àl torna a cà. ( Armandèin ha una tal paura della morte che se , per strada
incrocia un carro funebre torna a casa). In cusèina, tra fer ed cavàl, statuèini ed gób, sold sbusî,
cióff ed cavî, mazulèin ed fèin, paja, giaròun, quaterfói e mè àn so cosa… àl gà pin la vedrèina. Mè
a cràd che s’àl fóss spusê àn vdrév l’ora ‘d purtèr i còren! (In cucina ha ogni sorta di amuleti che
riempiono la vetrina e penso che se fosse sposato non vedrebbe il momento di portare le corna!)
Mè am’arcord che-a-arversè (io ricordo che rovesciai) àl salèin cùn dèinter ànch l’oli per
magnèr i ravanlèin (il salino con l’olio per mangiare i ravanelli). A ciapè un scupazòun e per cl’an
lè, gnìnt ravanlèin!
Eh beh, caro Piròun, tu sai bene che il sale per cucina ed ogni altro uso, sia grossolano che
fino costava moltissimo perché era monopolio di Stato ed il ricavato andava alla Casa Reale. Con
l’avvento della Repubblica cessò ogni appannaggio monarchico e il detto “Quando ti sposerai
imparerai quanto costa il sale!” scomparve. Ecco spiegato lo scapaccione.
Va beh mo a psiva capìrel anch sèinza scuplòt (scappellotto). Incô, a la dutrèina a pèins chi
insègnen di èter quê… E ànch a scóla. Almeno achsè a spér… Perché… et dév savér che l’eter dè, a
sun andê a-acumpagnèr me anvudèin a scóla e dato che a tgnàs àl méster, a gò dmandê
cùm’andàmm… ànch perché in dla clàs ed Mirko a ghè dimandi nigrèin e… et se… cùn l’Ebola…
No… no… stia tranquillo… Nessun problema… E in càl mèinter c’àm dèva la man destra,
àl s’è méss la sinistra in bisàca e… àl s’è dê una gran ravanèda.