Eilàaa… Bongióren! O bonasìra s’lè già basôra. Pomeriggio, per gli uomini “in lingua”.
La stmàna pasèda, sabato scorso, agò avû ùn atàch ed nostalgia per via dèl campàn. Beh: ‘sta stmàna àgh dàgh dèinter e, come conseguèinza naturèl aiò pensê a dmàn, ch’lè Pasqua. (La settimana scorsa, le campane, questa: Pasqua).
Àn ghè gnint ed piò alégher; àn ghè gnint ed piò bel: da sèimper! Dìn-dòn-dàn!!! L’è finî la quarésma, l’è finî la stmàna ‘d passiòun… a psàm turnèr a balèr… a sunèr… a cantèr… Basta penitèinza… basta dzùn (digiuno)… Dmàn(domani) turtlèin còl bròd ed capòun (tortellini col brodo di cappone)… E tót, mo propria tót, a dir “bona Pasqua”… E anch, cùm’às fèva-alóra, cùn èl cartulèini. Chèl bèli cartulèini colorèdi cùn i fiór ràss, zài, vérd, blò… e àl rundanèini, i pulsèin (pulcini) zài, èl clòmbi bianchi… èl campàn…cól noti musichèl…
E c’è ancora e ci sarebbe ben altro da dire. Soprattutto la felicità, quella intima., inesprimibile se non col sorriso, con la pelle d’oca per i profumi che la primavera mischiava nell’aria, per i desideri che il vestitino attillato delle ragazzine sembravano consentire per la gioia della Resurrezione che aveva ricacciato nell’armadio il cappotto scuro e il vestito nero.
Insomma: l’infallibile modo di dire, recitava: “cuntèint come ‘na Pasqua”!
Ed ecco Piròun che incalza: nuèter, la stmàna santa, a la ciamèven “la stmàna dàl dzùn” (la settimana del digiuno) che i noster vêc i l’arcmàndeven vluntêra(la raccomandavano volontieri) per via dàl rispèrmi c’as feva in dàl magnèr…A la dmàndga, però, a se sfughèven: turtlèin (almeno du piàt), làss ed galèina, capòun, manz, òs cùn la midàla (osso buco), léngua, càvva … e po’ l’aròst, ed mànz od ànch ed cunéi o-ed galàt… radéc e patàch àl fóren e sèlsa cùn l’óv buiû, e anch, dèl volt, èl pulpàtt in dólz-in brósch. E po’ bensòun, e tórta ed marèin (amarene) méssi via a bagn-maria e bróschi da fer spadìr (allegare) i dèint. Dèl volt, ànch la tórta ed taiadèl (torta di taglioline). E po’… gnànch da dir… l’óv ed Pasqua, gròs achsè (e apre a ragguardevole distanza il pollice e l’indice di entrambe le mani) c’a purtèva me ziìna (mia zia) Clélia da Modna.
Àl venerdè sant,, in Paés, agh’éra la purcisiòun (processione) cùn la banda c’la sunèva da mort e la lus l’era sól quàla di lumèin del fnèstri(processione con la banda a suoni cupi e grevi mentre le uniche luci erano i lumini alle finestre). Dàl giuvidè a-al sàbet ag’era anch lighê èl campàn e per sostituirli agh’era àl campanèr in gir cùn la tampérla (tavola di legno con due impugnature in alto e due ferri girevoli, uno davanti ed uno dietro che, manovrati, producevano forte rumore).Tót intorna, nuèter ragàz cùn la ghéréghéra (raganella) c’a fèv’n a gara a chi la prilèva depiò. Am’arcòrd anch tóti èl butéghi adubèdi e inluminèdi, specialmèint quìli di mazlèr (botteghe illuminate e addobbate, specie quelle dei macellai) cùn degli amzèini ed bô mai vést e immèz a frasch e limòun, pégher, chevri, tôch, nàder, faravòun ed ogni ràza d’animê tót pròunt da magnèr. Sé. L’éra propria Pasqua dop che sàbet, vérs-agli-óndes, as’éren bagnê i-òc.
Ma po’, ànch i vestî (anche i vestiti). L’éra tradiziòun che bisgnìva spianèr (rinnovare o incignare) quèl: du calzàt, ‘na camisa, do schèrp… i piò puvràt, anch sól ùn fazulàt da nês… Chi psìva, però, àl spianèva àl cóo’d pàgn(muta d’abiti). L’era ùn quèl ech purteva furtuna…mo… in definitiva, chi spianeva l’era un da sold!
E… ti ricordi, Piròun, l’agnello pasquale? Quando il primo battezzato dopo Pasqua doveva regalare al Parroco un agnellino?
Eterchè! I mê (familiari) im tgnén lè du més préma ed betzèrem (aspettarono due mesi prima di battezzarmi) fintànt c’a nassè àl fiól ed Ferari … Et sê… iéren i noster padròun e l’agnlèin l’era un sô dirét… un nòster riguèrd…
Questo, per chi non lo ha vissuto, era “un certo mondo”. Io e Piròun ve lo abbiamo, in minima parte, raccontato. Un pretesto per augurarvi BUONA PASQUA.