Eilàaa…Bongioren! O bonasìra s’lè già basôra. Pomeriggio, per gli uomini in lingua.
Eheee… Azidèint ech brót lavór… madàna, ech disàster… maledéssa! … Borbottando sommessamente questo “rosario” stà sopraggiungendo Piròun. Àl gà la sô giachtèina de vlu maròun, cùn àl curpàt, sàt-a-un giacòun ed finta pela. L’umbrèla avérta c’àl-la piga indrê per pugèrla sóv’r-a-la spala (ombrello aperto che piega all’indietro per appoggiarlo alla spalla).
Adìo (Ciao), Momo. Cus’in dit de ‘sta stagiòun patòca (fradicia) ? A và via la vóia ed fer di simitòun (moine)…
E sé, caro Piròun, ogni stagiòun la gà àl sô tèimp! O almeno la gàl duvrév avér…
Ecco: t’le déta giósta. La duvrév…Invece, àl dè d’incô, in ‘sti ult’m-an chè, a vói dir, a ghè di autùn chi sàmbren invéren e di invéren chi pèr’n’autùn. Pér àn dir dla premavêra: sèinza viól e sèinza rundanèini. E… àl mèteo…cus’in dit dàl mèteo ?
Intendi dire le previsioni meteorologiche?
Sé. Propria quili lè! E così dicendo, chiude l’ombrello, che agguanta quale ferma stecche al termine della consunta tela, e con l’altra mano mi prende sottobraccio trascinandomi sotto il portico.
E… cosa c’è che non va? Le previsioni meteo mi sembrano quasi sempre attendibili e, professionalmente parlando, le ritengo anche sufficientemente esaustive…
Scolta, veh… cus’et dét? Àn sun menga Armandèin, mè…
No… no… scusami tu… Intendevo dire che mi sembrano per lo più azzeccate e quindi chi’gh ciàpen spàss e che aglièin compléti…Aggiungerei poi che in questi momenti tragici per l’Italia e per la nostra Bassa modenese sono abbastanza puntuali anche se, purtroppo, negative ma… sono eventi eccezionali e imprevedibili.
Beh…mitàmla achsè. Mo… cùn tót chi satèliti c’a ghè lè per aria i duvrèn capìregh depiò perché dir che vérs Miràndla a ghè la nèbia e che a Maranèl lè fàcil c’agh sia àl sól… a srév bòun anca mè.
Ma… come già ti dicevo, questa situazione sembra veramente imprevedibile…
.Alóra a gò ragiòun mè! El previsiòun agli-andrén fati propria quànd ariva ed chi lavór chè… menga dir che incô a pióv o a ghè àl sól. …Basta vrìr la fnèstra…(previsioni da fare con eventi eccezionali e non se oggi piove o c’è il sole: basta aprire la finestra) E po’… a ghè anch àl fat che per vàdder quili de dmàn e pasdmàn et dév guardèr tóti èl porcherî dàl telegiornèl… Cl’è po’ quàl ch-i vólen lór…
E allora? Era meglio una volta? Quando non c’era la televisione e le previsioni?
No. Adès t’esàger… Tànt per tachèr, el previsiòun i li fèven anch a la radio e po’ a-ghéra i lunari: àl Barnardòun, àl Pescatore Regiano… e anch di èter. E po’ agavìven i provérbi, el tradiziòun, l’esperièinza… E pò han serviven brisa per andèr in ferie, in viàz ecétera ecétera, mo per piantèr, semnèr, argóier, piudèr e lavurèr e via via (c’erano le previsioni radio ma soprattutto il lunario, i proverbi, le tradizioni e l’esperienza servivano per vivere, per il lavoro e non per vacanze, viaggi, eccetera). E po’, nuèter, a tgniv’n-adrê a la campagna, a-i fòs, a-i fióm e a tóta la natura! Adès lè tót un eter quèl, un eter lavór…Ièin tót in cà, in di capanòun… Insàma: ièin tót a quért.
E se un stà tót àl dè in cà a lavurèr o a fer gnìnt…a cus’agh sérvenli èl previsiòun meteo ?!
Piròun “ha tirato l’acqua al proprio mulino”. Però…..