Nutézia brótta e piò che despiasùda: “annega nel sottopassaggio allagato”. Siccome mè àn
sun brisa un giornalésta mo un ech léz àl giornèl, àl problema “chi… dove… perché” l’è ‘ na cosa
véra mo che l’àn me riguarda brisa.
Tacàm alóra còl vocabolari c’àl dis: “ a ghè onna bùsa (c’è un errore, un grossolano
equivoco) ma po’, lè, in strèda, la busa la-gh’éra dabòun e… pina d’aqua… e lò, puvràtt, àl ghè
finî dèinter e, purtròp, l’è mort: andghèe. Achsè i-àn détt.
Lèter gióren an’ò descórs cùn Piròun e con mia grande sorpresa mi ha raccontato di averne
avuto notizia da Armandèin il quale conosceva quella persona. Al chè gli ho chiesto: ma com’è
stato? Come mai?... Cosa ti ha raccontato Armandèin? E lui:
Mo…L’è ùn sit (luogo) piotòst in campagna e… igh-avìven méss anch di cavalàtt de
sfrìsia…(cavalletti di Frisia) chi bianch e rass… sia prémma che arèint (vicini) a-al sàtt-pasàg
perché del volt agh vin ‘na busa d’aqua pericolosa e quànd l’è gnùda sò ‘na spàna o dô (un paio di
spanne) agh’è una pòumpa elettrica cùn anch la dinamo cla-la-vóda. Beh… senonchè la pòumpa…
àl compresór… e via-via i-avrénn rubê incòsa e achsè…edl’aqua agh-e-n’éra un bel poch… e
insàma… àl ghè armès dèinter e-al s’è andghê.
Achsè almeno aiò capî mè… Comunque… secànd mè l’éra méi che ‘na tràpla (trappola)
achsè i l’avéssen srèda! Perché chisà quanti etri volt, magari in èter post, iàn spustê i cavalàtt per
andèr dedlà da un fussadlèin (piccolo fossato) turnandghi pò a matter subétt dop…Al’ò fat anca
mè cùn la spicciola… E quanti volt è capitê che is’éren descurdê ed tirèr via i segnê dop che-i-
avìven finî i lavór…
Eh sì… è vero, caro Piròun. I segnali, però, vanno rispettati e non possiamo violarli
supponendo una negligenza dell’autorità o dell’incaricato preposto.
Àl capéss… aiò capî… mo quànd, per esèimpi, et tróv un lìmit ed zinch o dés chilòmeter ed
velocitê e dop… sòia mè… un chilòmeter et vàd c’àn-ghè nisóni ragiòun… forse un quechidùn àl
pól pensèr anch ed “pugièr” (riporre) i segnê in-dàl fòss…
Sì… sì… però le ragioni potrebbero essere diverse e incomprensibili per chi viaggia ma
concrete, per esempio, per terreni franosi o sassosi al di fuori della carreggiata…
Va beh… va beh… mo anch in càl ches lè cusa gh’èintra?…Per esèimpi… quànd et tróv chi
cartê cùn scrétt “caduta massi”… ( che mè, gàggio, simpliziàn, a cherdìva c’àl fóss àl post in d’a-
caschè e-a-murè certo Mazzi…) Quànd però im-l’àn spieghê, beh… alóra aiò détt: s-l’è vera che
a prév gnir zò di sasòun… di giaròun achsè gròss da cupèr un quechidùn, a srév méi srèr la srèda!
Andèr piàn o fort, o anch stèr atèinti… àn còunta un c.z !
Sì. Ma il masso potrebbe essere lì sulla sede stradale …
Sèh!!... Cùn l’educaziòun dàl dè d’incô?! …S’àl le cèintra… àl sèra butéga (e cioè muore)
e s’àl-gà la furtuna de schivérel, àl tira drétt perché s’àl-s-férma igh sèlten magari adòs e s’àn-gà-
brisa àl giubèin fosforescèint… l’è colpa sô…
Àl set s’a-ghè?... Àl set s’at dégh? … L’è-méi andèr per una streda sèinza segnê anch sl’è
pina ed busi!
Bravo Piròun!